𝗚𝗔𝗧𝗧𝗔𝗖𝗔

ඉයුජෙනික්වාදී සමාජයක හඳට යාම

ඉයුජෙනික් ප්‍රධාන කොටගත් සමාජයක මනුෂ්‍ය වර්ගයාගේ වලංගු අවලංගු භාවය හරහා ඔවුන්ට සමාජයෙන් පවුලෙන් ලැබෙන වටිනාකම හා අවලංගු භාවය විසින් වලංගුභාවය පරාද කරන මෙන්ම ඒ ඉයුජෙනික් ක්‍රමයට අනුකූල වලංගු කොට්ඨාෂයේ සිටින නමුත් දෛවය අවලංගු කල විට සිදුවන දේ ප්‍රධාන වශයෙන් කතාවේ අන්තර්ගතය වනවා...මාතෘකාවට අනුගත වනනට මත්තෙන් ඉයුජින්වාදය කුමක් දැයි විමසා බලමු....

නූතන මානව වර්ගයාගේ විකාශය  හා බෝවීම පිළිබඳව පිළිගත් විද්‍යාත්මකව සනාථ කල ඩාවින්චිවාදය හා සමකාලීනව ඉයුජෙන්වාදය බිහිවුවත් ඊටත් පෙර එනම් ක්‍රිස්තු පූර්ව 400දී පමණ ප්ලේටෝ පවා මුලධර්මයක් ලෙස හදුන්වා දුන් ඉයුජෙන් සංකල්පය ඉයුජෙනික්ස් ලෙස පසුකාලයේ පරිණාමවාදය හා සම්බන්ධව හදුන්වා දෙන්නේ  ඩාවින්චිගේ ඥාති සහෝදරයෙක් වන ෆ්‍රැනිසිස් ගැල්ටන් විසින්...සරලවම ඉයුජෙනික් යනු ගුණාත්මක නැත්නම් හොඳ ජාන වර්ධය කිරීම,බෝකිරීම මුල්කරගත් ක්‍රියාවලියක්...එනම් සමාජයේ පහත්කොට සලකන වර්ගයා බෝ වීම අඩු කර උසස් යැයි සලකන වර්ගයා වැඩියෙන් බෝ කිරීමයි...බ්‍රසීලයෙ පූර්ව යටත් විජිත සමයේදි  උපතේදීම විකෘතිතා දුබලතා ඇති දරුවන් ඉපදුන විටම මරා දැමීමේ සංස්කෘතියක්ද පැවති ඇති අතර පුරාණ රෝමයේ එසේ දුබල දරුවෙක් බිහි වුවහොත් මරා දැමීමට දරුවාගෙ පියා නීතියෙන් බැඳි සිටියි..ස්පාරටන්වරු වෙනමම කවුන්සිලයකට ළමයා ඉදිරිපත් කර ඔවුන්ගේ දරුවා ජීවත් වීමට සුදුසුද නැත්ද යන්න තීරණය කරයි....

නමුත් පරිණාමවාදය හා සමකාලීනව ඇති වන ඉයුජෙනික් නම් මේකී මිත්‍යාව බැහැර කල වරණීය අභිජනනය (තෝරාගෙන අභිජනනය සිදුකිරීම) හරහා මනුෂ්‍ය වර්ගවගයා බෝ කිරීම හා සංකල්පයකි...ගැල්ටන් ඩාවින්චිගේ මරණයෙන් පසු තම ගවේෂණය ඉයුජෙනික්ස් ලෙස නම් කල අතර එය ජාන විද්‍යාව හා පසුව සම්බන්ධ වී ඇත....20 වන සියවසේ මුල් භාගය වන විට කැනඩාව,ඇමරිකා හා යුරෝපයේ ඇතැම් රටවල ඉයුජෙනික් සංවිධාන බිහි වීමේ ප්‍රතිඵලයක් ලෙස ඔවුන් තම රටවල් වල ජාන වල ගුණාත්මක බවවැඩි කරීමට ඉයුජෙනික් ප්‍රතිපත්ති අනුගමනය කර ඇත්තේ මානසික රෝග,කායික ආබාධ ඇති අයවලුන් හා අපරාධකරුවන් මෙන්ම IQ මට්ටම අඩ අයවලුන් පවා බෝ වීම වැළැක්වීමට නීති ගෙන එමින්ය....ඇමරිකාව ප්‍රමුඛ බටහිරට ඉයුජෙනික්වාදය පැමිණීමේ ප්‍රතිඵලයක් ලෙස වර්ගවාදය හා සුදු අධිරාජ්‍ය වාදය විකාශනය වීම හදුන්වා දිය හැකිය.....වර්තමානයේ මේ ඉයුජෙනික්වාදය අඩු වැඩි වශයෙන් යුරෝපා රටවල තිබුණත් දැන් ඔවුන්ට උත්සහ කිරීමට සිදුවී ඇත්තේ භේදයකින් තොරව වර්ගයා බෝ වීම සීමා කිරීමට ක්‍රම සෙවීමට බව නූතන ලෝකයේ වෙනස්වීම හමුවේ මනාව පැහැදිලි වෙයි...

1968 දී ස්ටැන්ලි ක්යුබ්‍රික්ගේ 2001 සිට නොලන්ගේ Intesteller දක්වා විද්‍යා ප්‍රබන්ධ චිත්‍රපට වල විකාශනය හරහා අඟහරු වලටවත් පා නොතැබු නොවු මනුෂ්‍ය වර්ගයාව ප්‍රබන්ධයන් හරහා කිරි සයුරෙන් එහාටත් ගෙනයමින් සිනමාව වෙනස්ම මානයන් කරා ගෙන යාමට සමත් වුවා...විද්‍යා ප්‍රබන්ධ චිත්‍රපට නිර්මාණකරණයේ විශිෂ්ඨ සලකුණු තැබු ජනප්‍රිය චිත්‍රපට වන 2001: A Space Odyssey ,Star Wars,Gravity,The Martian,Intesteller වැනි ජනප්‍රිය චිත්‍රපට වලට අමතරව හමුවන 90 දශකයේ නිර්මාණය වු විශිෂ්ඨ විද්‍යා ප්‍රබන්ධ සිනමාපටයක් ලෙස Gattaca හදුන්වාදිය හැකිය....Gattaca තවත් එක් විද්‍යා ප්‍රබන්ධයකට එහා ගිය අනාගතය මුල් කරගෙන ඉයුජිනික්වාදය ගැන සියුම් විග්‍රහයක් කල විද්‍යා ප්‍රබන්ධයක් ලෙස හදුන්වාදිය හැකිය....වර්තමනායෙ ජාතිය,අාගම,කුලය අනුව උස් පහත් වෙනස, අනාතයේදී  ජාන අනුව උස් පහත් නැතහොත් වලංගු අවලංගු ලෙස සැලකීම Gattaca චිත්‍රපටයේ ඉයුජෙනික්වාදය ස්පර්ශ කරන කොටස වනවා....

1997 වසරේදී නිකුත් වු  Andrew Niccol නම් අධ්‍යක්ෂකවරයා අධ්‍යක්ෂණය කල Ethan Hawke,Jude Law, Uma Thurman රංගනයෙන් දායක වන ඇකඩම් සම්මාන උළලේ හොඳම කලා අධ්‍යක්ෂණය සඳහා නිර්දේශ වු මෙම චිත්‍රපටය නොබලපු අයෙක් වෙනම් අනිවාර්යෙන් නැරඹිය යුතු මේ චිත්‍රපටයක් ලෙස නිර්දේශ කරන අතර චිත්‍රපටය නැරඹු ඔබ වෙනුවෙන් මෙතනින් එහාට චිත්‍රපටය  විවරණය කරන්නම්....

චිත්‍රපටයේ ඉහත කී ඉයුජෙනික් ප්‍රධාන කරගත් අනාගත සමාජයක තම පවුල විසින් පවා ප්‍රතික්ෂේප කරන දරුවෙක් වන වින්සෙන්ට් ඇන්ටන්ට සිය පියා ඔහුගේ නම දීමත් ප්‍රතික්ෂේප කරන්නේය....අනාගතයේ  තාක්ෂණය මඟින් දරුවෙක් පිළිසිඳ ගන්නා විට දරුවා ගේ ස්නායු ක්‍රියාකාරිත්වය,මානසික ක්‍රියාකාරිත්වය,හදවතේ ක්‍රියාකාරිත්වය හා ආබාධ ඇත්නම් ඒවා පමණක් නොව ජීවත් වන කාලය පවා නිර්ණය කිරීමේ හැකියාව මත වින්සෙට්ගේ ආයු කාලය වසර 30.2 ලෙස පවසයි...ඒසේ ජානවල දුබලතා ඇති අය අවලංගු ඛාණ්ඩය ලෙසද ජාන විශිෂ්ඨ කොට්ඨාසය වලංගු අය ලෙසද හදුන්වයි...වලංගු අය සඳහා හොඳ උසස් රැකියා සිදුකිරීමට හැකි අතර අවලංගු අය පහත් රැකියා සඳහා බෙදා වෙන් කර ඇත...වින්සෙට් අවලංගු කොට්ඨාසයට අයත් නිසා ඔහුගේ දෙමාපියන් තීරණය  ජාන තෝරාගැනීම් හරහා ඇන්ටන් හෙවත් වින්ස්ටන්ගේ සහෝදරයා බිහිකරනු ලබයි...දෙමාපියන් සිතන්නේ දුබලයා වින්සන්ට් බව වුවත් ඔහුගේ සිහිනය ගගනගාමියෙක් වීමටයි...තමන්ට තමන් ගැන විශ්වාසයක් තමන්ගේ අරමුණ ගැන විශ්වාසයක් අත්නම් තමන්ට තමන්ගේම වු ගමනත් ඇති බව විශ්වාස කරන වින්ස්ලට් අවසානයේ තමන් සහෝදරයාට වඩා තමන් දක්ෂ යැයි සනාථ කර ගත් පසු නිවස අත්හැර යාමට තීරණය කරයි..... ජාන වල දුර්වලකම කෙනෙක්ගේ අනාගතය තීරණය කරනවා නම් අයින්ස්ටයින් විද්‍යාවෙන් ඉවත් වු චරිතයක් වන බව Gattaca හි අනාගතයට අමතකව ගොස් ඇත...

Gattaca යනු චිත්‍රපටයේ නමද වෙයි ..මෙහි අක්ෂර වන G,A,C,T වලින් අර්ථ ගන්වන්න් DNA අණුවක නියුක්ලියෝභස්ම හතර වන සයිටොසීන් , ගුවැනීන්, ඇඩිනීන්,තයිමීන් යන නම් වල මුල් අකුරු වලින් වෙයි...Gattaca අභ්‍යවකාශ මධ්‍යස්ථානයේ අවලංගු පිරිසුදු කිරීමේ සුළු සේවකයෙක් ලෙස සේවයට බැදෙන වින්සෙන්ට්ට එහි සිටින ජෙරමිව හමුවන්නේ තමන්ගේ අවලංගුතාවය වලංගු කරගෙන උසස්කොට සලකන අභ්‍යවකාශ තරණය කිරීමේ සිහිනය මුදුන්පමුණුවා ගැනීමට අැති අවස්ථාවක් ලෙසයි....ජෙරොම් යනු අනතුරකට පත් පිහිනුම් ශූරයෙක් වන අතර ඔහු තමන්ගේ අනන්‍යතාවය සම්පූර්ණයෙන්ම වින්සෙන්ට් ට ලබා දීමට කැමති වෙයි...ජෙරෝම් අනතුරට ලක් වන්නේ ඔහු පිහිනුම් ශූරතා තරඟයක දෙවනියා වීම ගැන කලකිරීමට පත් වී ඔහු විසින්ම වාහනයකට පැනීම නිසයි...⁣ජෙරෝම් මෙන්ම වින්සෙන්ට්ගේ සොහොයුරා ඇන්ටන් වැනි වලංගු කොට්ඨාෂයේ නැතහොත් තමන් උසස් කොට්ඨාෂයේ යැයි සලකන අයට පරාජය හෝ තවකෙකු හට දෙවනි වීම ජීවිතකාලයම විඳවීමට හේතුවන කරුණක් ලෙස ඔවුන්ට සමාජය විසින්ම සිතන්නට සලස්වා තිබීම චිත්‍රපටයේ  ඉයුජෙනික් සමාජයේ පමණක් නොව අද සැබෑ යථාර්ථවාදී සමාජයෙත් සුලභ පොදු කරුණක් වේ...

චිත්‍රපටයේ අනාතය පිළිබඳ හාස්‍යයට කරුණ නම් අනාගතය කෙනෙක්ගේ පෙනුම මතකතබා ගැනීමටත් වඩා වැදගත් ලෙස සලකන්නේ ඔහුගේ ජාන වල ලක්ෂණයි...එනම් වලංගු අවලංගුභාවයයි....ඒ නිසාම මිනීමැරුමක් පවා සිදුවූ විට පොලිස් පරීක්ෂණ සිදුවන්නේ මිනීමරුවා සෙවීමට වඩා අවලංගු ඇහි බැම කා හට අයිති එකක් දැයි සෙවීමටයි...

අවසානයේ වින්ස්සෙට් ඇන්ටන් ,ජෙරෝම් මෝරොව් බවට පත් වෙයි...ඔහු ගගනගාමියෙක් ලෙස පසුව සම්බන්ධ වන්නේ සෙනසුරුගේ චන්ද්‍රයා ටයිටන් වෙත යන මෙහෙයුම සමඟයි.ඒ අතරම ඔහුත් සමඟ එනට සේවය කරන අයිරන් සමඟ වින්ස්ලට් සම්බන්ධතාවයක් ඇතිවන්නේ ආදරයට එදත් අදත් හෙටත් කිසිදු වලංගු අවලංගු යන වර්ගවාදයක් සීමා නොපනවන බවට සනාථ කරමින්ය....ඇය ඔහුගේ සත්‍ය දැනගත්තද පිවිතුරු ප්‍රේමයේ නාමයෙන් ඇයට ඔහු තමන්ගේ සිත සොරාගත් පිරිමියා පමණමයි...විද්‍යාව දියුණු විය හැකිය....නමුත් ආදරය නම් කිසිදා සීමාවන් නැති බැදීමක්ම වනු ඇති බව සියුම්ව චිත්‍රපටය හරහා ගෙන හර පායි.....

ගමනට සතියකට පෙර සිදුවන ප්‍රධානියාගේ මරණය නිසා අනවසරලත් අවලංගු පුද්ගලයා සොයා පරීක්ෂණ කටයුතු සිදුකිරීමේදි වින්සෙට්ට ඔහුගේ සහෝදරයා යළිත් මුණ ගැසේ..සොහොයුරා වසර ගනනක් යනතුරුත් සිතාගෙන සිටින්නේ වින්ස්ලට් හුදෙක් දුබල අවලංගු අයෙක් පමණක්ම බවයි...නමුත් නැවත වරක් ඔහු සනාථ කරන්නේ ඔහු ඉයුජෙනික්ස් නැතහොත් වර්ගවාදයට අභියෝගයට ලක් කල තමන් අවලංගු කොට්ඨාෂයේ වලංගුතාවයේ සංකේතයක් වන බවයි..

අවසානයේ වින්සෙන්ට් තමන්ගේ කුඩා කල සිට බලාපොරොත්තුවෙන් සිහිනය මුදුන්පමුණුවා ගන්නේ  ටයිටන් වෙත පිටව යාමට සුදානම් වෙමින්ය...අවසාන මොහොතේ වින්සෙන්ට්ගේ අනාවරණය වෛද්‍ය ලමර් ඉදිරියේ සිදුවුවත් ඔහුගේ ප්‍රතිචාරය හරහා අපිට පෙන්වන්නේ වර්තමානයේ පාසල් ළමුන්ට උත්තේජනයක්,උත්ප්‍රේරණයක් සපයන්න උදාහරණයක කරගන්න අයින්ස්ටයින්,ලින්කන් වැනි චරිත වල අනාගත සලකුණක් වින්සෙන්ට් වන බවයි....අවසානයේ වින්සෙන්ට් ඔහුගේ ගමනත් ජෙරොම් ඔහුගේ ගමනත් පිටව යයි...⁣වින්සෙන්ට් අවසානයේ ඔහුට සමීප වන තරු දෙස බලන් පවසන්නේ,

" ඔවුන් කියනවා,අපේ ශරීරයේ හැම අණුවක්ම තරුවක කොටස් කියලා...සමහර විට මං පිටත් වෙලා යනවා නෙවෙයි වෙන්න පුළුවන්...සමහරවිට මං මේ ගෙදර යනවා වෙන්න පුළුවන්..."....

'සරලවම අපි සේරම පොළවට පස් වෙන මිනිස්සු.....'

      

                                                                                                          ©️අනුෂ්ක රසාංජන ද සිල්වා