𝗪𝗼𝗺𝗲𝗻 𝗶𝗻 𝗔 𝗺𝗮𝗻 𝗿𝘂𝗹𝗲𝗱 𝘄𝗼𝗿𝗹𝗱

 

𝗪𝗼𝗺𝗲𝗻 𝗶𝗻 𝗔 𝗺𝗮𝗻 𝗿𝘂𝗹𝗲𝗱 𝘄𝗼𝗿𝗹𝗱

Wonder Women 1984 ෆිල්ම් එක බලන්න ඇතිනේ...සමස්තයක් විදියට අපි බලා⁣පොරොත්තු වුන විදියේ සුපිරි වීර චිත්‍රපටයක්ම නොවුන නිසාමද කොහෙදෝ ගොඩාක් අය ෆිල්ම් එක ගැන කලකිරීමෙන් තමයි ඉන්නේ....මොනා වුනත් කොරෝනා අස්සේ හොඳ ෆිල්ම් එකක් මාස ගානකින් හොල් එකක බලාගන්න බැරි වුන ගොඩාක් අයට මේ වොන්ඩර් වුමන් ෆිල්ම් එක ගෙදර ඉඳලා බැලුවත් හරියට කතරකට දියපොදක් වැටුණා වගේ තමයි...

චීටා කැරැක්ටර් එක හොඳට මුල ඉඳලා බිල්ඩ් අප් කරලා තිබුණට අපි හිතපු,අපි සුපර් හීරෝ ෆිල්ම් එකක අපි බලා⁣පොරොත්තු වන සුපර් බැට්ල් එකක් තිබුණේ නැති එකත් ෆිල්ම් එක මුල ඉඳලා ගලාගෙන ආපු විදියත් එක්ක ලොකු අඩුපාඩුවක්...මොනා වුනත් මං හිතන්නේ මාස ගානක් ගෙවල් වලට කොටු වෙලා,නැත්තම් කොරෝනා අස්සේ ෆිල්ම් එකක් තියා හරියට ගමනක් බිමනක්වත් යන්න බැරි වුන කොටින්ම කොරෝනා වලට හෙට්ටු වුන අයට වොන්ඩර් වුමන් 1984 අන්තිමට දෙන පොසිටිව් වයිබ් එකත් එක්ක හොඳයි කියන්න පුළුවන් ෆිල්ම් එකක් කියලා...

මං මේ ලිපිය අරන් ආවේ වොන්ඩර් වුමන් 1984 ෆිල්ම් එක ගැන කතා කරන්න නොවුනත් ෆිල්ම් එක බැලුවට පස්සේ මගේ අදහස කෙටියෙන් කියන්න හිතුන නිසයි ඉහත කරුණු ටික සඳහන් කලේ...චිත්‍රපටය බලපු සමහර අය කියලා තිබුණා මේක ෆෙමිනිසම් කියන එක අනවශය විදියට පුම්බපු චිත්‍රපටයක් කියලා...ඒත් මේ වොන්ඩර් වුමන් ෆිල්ම් එකේ ෆෙමිනිසම් නැත්තම් කාන්තා සම අයිතිය උළුප්පුවන ගතිය පලවෙනි චිත්‍රපටය තරම්වත් නොදැනුණා කියන එකයි මගේ මතය....ඒත් වොන්ඩර් වුමන් චිත්‍රපටය එහෙම ෆෙමිනිසම් වුනත් වරදක් නැහැ කියන අදහස මට වගේම ඔයාලාටත් හිතේවි මේ චරිතයේ ඉතිහාසය හොයාගෙන යනකොට....

1941 ඔක්තෝම්බර් මාසයේදි තමයි වොන්ඩර් වුමන් චරිතය DC comic වලින් හදුන්වලා දෙන්නේ..සුපර් මෑන් හා බැට්මෑන්ට පස්සේ ජස්ටිස් ලීග් එකේ ප්‍රධාන තැනක් ගන්න සමත් වුණ චරිතය තමයි මේ වොන්ඩර් වුමන්..ඒ කාල වකවානුව ඔය ෆෙමිනිසම් කියන කාරණාව මිනිස්සු අහලාවත් නැති කාලයක්....කාන්තාවන්ට නීතිමය වශයෙන් යුද්ධයට බැඳෙන්⁣න දෙන්නේ 1948 දී...ඉතිං ඊටත් කලින් බිහිවුන වොන්ඩර් වුමන් චරිතය ඒ කාලයේ කාන්තාවන්ට දීපු උත්තේජනය සුළු පටු නොවනන ඇති කියලා හිතන්න පුළුවන්…. .

සුපර් මෑන් චරිතයට අවුරුදු තුනකට පස්සේ බැට් මෑන් චරිතයට අවුරුදු දෙකකට පස්සෙත් හදුන්වලා දීපු වොන්ඩර් වුමන් චරිතය කොමික් ඉතිහාසයේ පලවෙනි ෆීමේල් සුපර් හීරෝ චරිතය වෙනවා වගේම අද වෙනකොට ඔක්තෝම්බර් 21 Wonder women Day කියලා වෙනමම දවසක් පවා නම් කරලා තියෙනවා…..

වොන්ඩර් වුමන් චරිතය නිර්මාණය කරපු විලියම් මෝල්ටන් මාස්ටොන් එයාගේ චරිතයට දීපු ලොකුම දුර්වලකම තමයි පිරිමියෙකුගේ බන්ධනය....පිරිමි තමයි සමාජයේ ඉහළින්ම ඉන්න ඕන කියන දෙය ඉස්මතු කරන්න මුල් කාලයේ කොමික් වල පවා මේ වගේ සිදුවීම් ඇතුලත් කරලා තියෙනවා......පිරිමියෙක් වොන්ඩර් වුමන්ව ගැට ගැහුවට පස්සේ එයාගේ බලය නැත්තටම නැති වෙනවා...

එක කොමික් කලාපයක වොන්ඩර් වුමන්ව මෙහෙම ගැට ගහපු වෙලාවක එයා කියනවා,

"My strength is gone.it is aphrodite's law! when an amazon girl permits a man to chain her bracelets of submission together she become weak as other women in 𝗔 𝗺𝗮𝗻 𝗿𝘂𝗹𝗲𝗱 𝘄𝗼𝗿𝗹𝗱!"

අන්න ඒ විදියට ඇමසෝන් ගර්ල් කෙනෙක්ව පිරිමි කවුරු හරි කෙනෙක් ගැට ගැහුවොත් එයාගේ බලයන් සේරම නැති වෙලා සාමාන්‍යය කෙනෙක් බවට පත් වෙනවා කියල තමයි ඒකේ සඳහන් වෙන්නේ...

ඉතිං පස්සේ 80 දශකයෙන් පස්සේ මේ විකාර දුර්වලකම වොන්ඩර් වුමන් චරිතයෙන් අයින් වුනා...ඊට පස්සේ එයාගේ දුර්වලකම වුනේ එයා දාගෙන ඉන්න බ්‍රෙස්ල්ට්...ඒවා මොන විදියකට හරි කැඩුනොත් හරි නැති වුනොත් හරි එයාව පාලනය කරගන්න බැරි තරම් දරුණු වෙනවා....New-52 Reboot එකෙන් පස්සේ එයාගේ දුර්වලකම් නැති තරම්...පොඩි හරි දුර්වලකමකට තිබ්බා නම් ඒ සුපර්මෑන් එක්ක තියෙන සමීප සම්බන්ධය ...ජස්ටිස් ලීග් එකේ හැමෝගෙම දුර්වලකම් ගැන දන්න බැට් මෑන් විතරයි ඒක දන්නේ.....ඒ නිසා වොන්ඩර් වුමන් දරුණු වීගෙන එනකොට බැටා යවන්නේ සුපර්මෑන්ව...

අද වෙනකොට ඇනි⁣මේෂන් චිත්‍රපට හරහා වගේම DCEU හරහා ලයිව් ඇනිමේෂන් විදියට වොන්ඩර් වුමන් චරිතය කොමික් බුක් වලින් එහාට ඇත්තටම දැකගන්න පුළුවන් වෙලා තියෙනවා...DCEU එකේ අද වනකොට වොන්ඩර් වුමන් චරිතයට ගැල් ගැඩෝට් පණ දෙන නිසාම ලොකු ෆෑන් බේස් එකක් අනිත් ෆීමේල් සුපර් හීරෝස්ලට වඩා ඇති වෙලා තියෙනවා කියන්න චිත්‍රපටය සාර්ථක අසාර්ථක වුනත් ඇතිවෙලා තියෙන ජනප්‍රියත්වයම හොඳටම ප්‍රමාණවත් කියලා හිතනවා.....

ඒ වගේම Wonder Women 1984 චිත්‍රපටයේ පෝස්ට් ක්‍රෙඩිට් එකේ ඇස්ටේරියා විදියට කැමියෝ එකක් විදියට පෙන්නන්නේ ලින්ඩා කාර්ටර් කියලා ගොඩක් අය නොදන්න දෙයක්....1975-1979 කාලයේ විකාශය වුන වොන්ඩර් වුමන් කතාමලාවේ වොන්ඩර් වුමන් චරිතයට පණ දුන්න ඇයද ඒ චරිතයට කල සාධාරණය අගය කල යුතුමයි....

පිරිමියා මුලිකයි කියන සමාජයේ ඉඳලා අද වෙනකම් අවුරුදු 79ක ගමනක් ආපු වොන්ඩර් එදා ඉදන අද වෙනකම් සමස්ත කාන්තා සමාජයම නියොජනය කරන හැම කාන්තාවක්ම WONDER කියන පණිවිඩය ලෝකයට ලබා දෙනවා...ඉතිං ඇත්තටම මේ වොන්ඩර් වුමන් චිත්‍රපටය ෆෙමිනිසම් වුනා නොවුනා වරදක් නැහැ කියන එකයි මගේ මතය...

"Every women,everyman,everyone should be a feminist..becouse whoever is not a feminist is a sexist" -Gal Gadot(DCEU wonder women)

-අනුෂ්ක රසාංජන ද සිල්වා-